Miene Plattsiet

Hartlich willkommen up de private plattdüütsche Tohuussiet

von

Karin Albrecht

Dormit disse schöne Sprak nich in Vergätenheit gerät, heww ick 'n bäten Text tosamenstellt, wat ji hier up disse Siet naläsen künnt.Ick heww allst dat upschräben,wat ick von miene Öllern, Grotöllern un ok von anner Lüüd hüürt heww.Un ick heww mi ok sülwst bäten wat utdacht.

Denn kiekt juch miene Siet man an! Väl Spaß!

 

 

Oewer mi

 

Von Profession bün ick Lehrerin wäst, so an de veerundörtig Johr, un  ick heww miene Schölers in Düütsch, Engelsch un ok in Plattdüütsch unnerricht't. 
Nu bün ick in'n Rohstand.
Ick läw mit miene Familie in Meckelbörg - Vörpommern, ganz in 'n Nordosten,
in de Uecker- Randow- Region.

Dat Plattdüütsche is mi mitdewiel dull an't Hart wussen, so dat ick mi väl dormit beschäftigen do.

Spräken do ick 't nich so oft, awer ick läs sehr väl, un ick schriew ok geern ees 'ne Geschicht up Platt.

Ick freug mi ümmer, wenn ick wat Nieges funnen heww, ob dat nu in 'n Bökerladen is,

in de Zeitung orrer in't Internet.

Orrer villicht "Post" in mienen Breefkasten...?
Wenn Ji mi wat to seggen hewwt, schickt mi 'ne Nahricht!

Miene Texte betrecken sich up Volksgood. Ick heww väl von dat upschräben, wat  bi uns all Generationen lang vertellt un sungen worden is. De Märchen, Diertgeschichten un Sagen heww ick sülwst in uns' pommersch Platt  oewerdragen, deelwies körter . (Süllt ick Copyrights verletzt hebben, bitte bi mi mellen! ) Alles Volksgut können Sie verwenden und für Ihre Zwecke vervielfältigen.

Ausnahme: Meine eigenen Texte. Die sind urheberechtlich geschützt. Da brauchen Sie meine Zustimmung. Selbiges gilt für meine Fotos. Meine Datenschutzerklärung finden Sie hier.

Vielen Dank an publicdomainvectors.org  für die kostenlose Bereitstellung der Bilddateien.

Impressum:
Betreiber der Webseite: Karin Albrecht
Str. der Einheit 13 , 17379 Wilhelmsburg

E-Mail:   albk@gmx.net