Riemels

Wenn du nich wettst,
ob "mir" orrer "mich",
räd Platt, mien Jung,
denn verspräkst di nich!

Eene meene Dintenfatt,
gah nah't School, dor liehrst du wat.
Hest du wat liehrt, denn kannst du wat vertellen
von de Popponellen !

Liehrst du wat,

denn kannst du wat,

un kannst du wat,

denn büst du wat !

Hippel de pippel
de Wost hett twee Zippel,
de Speck hett veer Ecken,

dat mütt man so smecken!

Jehann, spann an!
Twee Katten vöran,
dree Müüs vörut -
so föhrt Jehann to sien Bruut.

Lapüster, Lapüster,

de ganze Welt is düster.

Mit mien Lapüster in de Hand

treck' ick dörch dat ganze Land !

Backe, backe Koken,
de Bäcker, de hett ropen.
Wecker will 'n Koken maken,
de mööt hebben soeben Saken:
Eier un Smolt,
Botter un Solt,
Zucker un Mähl,
Saffran makt den Koken gäl.

Dat rägent, dat rägent,
de Kuckuck ward natt.
Wi sitten in 'n Drögen,
wat schad't uns denn dat.

Rägen, Rägen mak mi nich natt,

mak all de frömden Höhner natt,

se sitten up't Dack un eten wat.

Ik güng vörbi un säd' goden Dag,

se gäben mi keenen Happen af.

Eene meene muh,
Möllers Koh,
Möllers Äsel ,
dat büst du !

Mondag will ick Linsen kaken,
Dingsdag kann 'ck jo Broadspeck maken,
Middwoch giwwt dat Klüt un Beer'n,
Dunnersdag koen' w' Kohl vertähr'n,
Fridag kaken w' dittmol Wruken,
Nudelsupp' münn' w' Sünnabend schlucken,
Sünndag will'n wi lustig läben, dor sall't jo dick Arften gäb'n.